Сургуулийн орчинд хүүхдийн аюулгүй байдлыг хангах, гэмт хэргээс урьдчилан сэргийлэх зорилгоор “School police” болон “Хүүхэд хамгаалагч цагдаа”-гийн ажлын уялдааг сайжруулах уулзалт боллоо. Нийслэлийн эрсдэл бүхий сургуулиудад 36 сургуулийн цагдаа ажиллуулахаар төлөвлөж байна.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээГэмт хэргээс урьдчилан сэргийлэх ажлыг зохицуулах зөвлөлийн Ажлын албанаас сургууль орчмын бүсэд хүүхэд хамгаалах үүрэг хэрэгжүүлэгчдийн ажлын уялдааг хангах, нэгдсэн бодлого хэлэлцэх уулзалт зохион байгууллаа. Цагдаагийн байгууллагын мэдээллээр сүүлийн зургаан жилийн хугацаанд сургуулийн орчинд нийт 1228 гэмт хэрэг бүртгэгдсэнээс төрийн өмчийн сургуульд 940, хувийн өмчийн сургуульд 288 хэрэг гарчээ. Үүнтэй холбогдуулан Хууль зүй, дотоод хэргийн сайдын тушаалаар сургуулийн орчинд “Хүүхэд хамгаалагч цагдаа” ажиллуулж эхлээд байна.
Товчхон
Цаашид Нийслэлийн хэмжээнд үйл ажиллагаа явуулж буй ерөнхий боловсролын сургуулиудаас эрсдэл бүхий сургуулиудад 36 сургуулийн цагдаа ажиллуулахаар төлөвлөж байна. Энэ нь сургуулийн орчинд хүүхдийг болзошгүй гэмт хэрэг, зөрчил, осол гэмтлээс урьдчилан сэргийлэх, эрсдэлтэй нөхцөлд байгаа сурагчдыг илрүүлэн хамгааллын байгууллагад зуучлах боломжийг бүрдүүлэх юм.
Хэлэлцүүлгийн үеэр сурагчдын дундах хорт зуршил, мансууруулах бодис болон цахим дээрэлхэлтийн асуудлыг онцлов. Судалгаанд хамрагдсан 99,118 сурагчийн 35.1 хувь нь утаат болон электрон тамхи хэрэглэдэг гэж хариулсан байна. Тиймээс гэмт хэргээс урьдчилан сэргийлэх ажлыг зөвхөн хууль хүчний байгууллагад даатгах бус, холбогдох талуудын нэгдсэн оролцоо, уялдаа холбоотойгоор зохион байгуулах шаардлагатайг оролцогчид онцоллоо.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Гэмт хэргээс урьдчилан сэргийлэх ажлыг зохицуулах зөвлөлийн ажлын алба
Үргэлжлүүлэн унших
— Сурталчилгаа —
