Засгийн газрын хэрэгжүүлэгч агентлаг Соёл, урлагийн газар Улсын драмын эрдмийн театртай хамтран 2026 оны 11 дүгээр сарын 18-ны өдөр цахим сургалт зохион байгууллаа. Тус сургалтад 21 аймгийн Соёл, урлаг, аялал жуулчлал, залуучуудын газар, орон нутгийн 24 мэргэжлийн урлагийн байгууллага болон сум, дүүргийн 242 соёлын төв, ордны нийт 550 ажилтан, албан хаагч хамрагдсан байна.
Сургалтаар мэргэжлийн урлагийн байгууллагын чиг үүргийн шинжилгээ, үйл ажиллагааны стратеги, бүтцийн өөрчлөлтийн хөтөлбөр болон үр дүнд суурилсан санхүүжилтийн тогтолцооны уялдаа холбоог танилцууллаа. Мөн олон улсын шилдэг бүтээлийг оюуны өмчийн албан ёсны эрхтэйгээр Монголын тайзнаа амилуулах боломж, урын сангийн төлөвлөлтийн арга зүйн талаар хэлэлцэв.
Түүнчлэн төв болон орон нутгийн театрын менежментийн туршлага солилцохын зэрэгцээ сошиал медиа маркетинг, тайзны гэрлийн найруулга, удирдлагын программчлал, нүүр хувиргалтын чиглэлээр практик ур чадварыг дээшлүүлэх мэдээлэл хүргэсэн байна.