Монгол Улсын Засгийн газрын тогтоолын дагуу төрийн архивын үйл ажиллагааны улсын үзлэг Улсын бүртгэлийн ерөнхий газарт албан ёсоор эхэллээ. Шалгалтын комисс холбогдох хууль тогтоомжийн хэрэгжилт, архивын өнөөгийн нөхцөл байдалд үнэлэлт дүгнэлт өгөхөөр ажиллаж байна.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээМонгол Улсын Засгийн газрын 2026 оны долдугаар сарын 01-ний өдрийн 280 дугаар тогтоолын дагуу Төрийн архивын үйл ажиллагааны улсын үзлэг Улсын бүртгэлийн ерөнхий газарт 2026 оны 11 дүгээр сарын 02-ны өдөр эхэллээ. Тус үзлэгийг зохион байгуулах комиссын даргаар Батлан хамгаалах яамны Төрийн захиргаа, удирдлагын газрын дарга, хурандаа М.Батхуяг ажиллаж буй бөгөөд Архивын ерөнхий газар болон Батлан хамгаалахын төв архивын төлөөлөл бүрэлдэхүүнд нь багтжээ.
Товчхон
Үзлэгийн эхэнд ажлын хэсэг УБЕГ-ын удирдлага, холбогдох албан тушаалтнуудтай уулзан, улсын үзлэг зохион байгуулах удирдамж болон Хууль зүй, дотоод хэргийн яамны Төрийн нарийн бичгийн даргын баталсан дүгнэх үзүүлэлт, аргачлалыг танилцуулсан байна. Энэ үеэр УБЕГ-ын Улсын бүртгэлийн нэгдсэн архивын газрын дарга С.Оюунгэрэл архивын өнөөгийн байдал, хэрэгжүүлж буй үйл ажиллагаа болон Төрийн архивын тасгаас 2022–2026 онд хэрэгжүүлсэн ажлын тайлан мэдээллийг хүргэлээ.
Энэхүү улсын үзлэгийн хүрээнд архив, албан хэрэг хөтлөлтийн үйл ажиллагааны өнөөгийн нөхцөл, холбогдох шийдвэр, хууль тогтоомжийн хэрэгжилтийн түвшнийг үнэлж дүгнэлт гаргах юм. Мөн цаашид хэрэгжүүлэх шаардлагатай арга хэмжээний талаар санал боловсруулан Төв комисс болон Засгийн газарт танилцуулахаар ажиллаж байна.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Улсын бүртгэлийн ерөнхий газар
Үргэлжлүүлэн унших
© 2026 Tuuchee.mn. Бүх эрх хуулиар хамгаалагдсан.
Хөгжүүлсэн: Sain Web
— Сурталчилгаа —
