Монгол-Японы хамтарсан төслийн хүрээнд Өвөрхангай аймгийн Уянга сумын Олон сүмийн тууринд малтлага хийж, Чингис хааны билиг сургаал тэмдэглэгдсэн үйсэн судар илрүүлжээ. Мөн уг дурсгалт газраас олон өнгийн ханын зураг, бурхны баримал зэрэг түүхийн үнэт олдворууд олдсон байна.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээМонгол Улсын Шинжлэх Ухааны Академийн Түүх, угсаатны зүйн хүрээлэнгээс эрхлэн Монгол-Японы хамтарсан “Бичээс” төслийн хүрээнд Өвөрхангай аймгийн Уянга суман дахь Олон сүмд археологийн малтлага судалгаа явууллаа. Судалгааг Монголын талаас доктор Л.Эрдэнэболд, академич С.Чулуун, Японы талаас профессор Такаши Мацүкава нар удирдаж, археологич Э.Уртнасангаар ахлуулсан баг ажиллажээ.
Товчхон
Судалгааны явцад монгол бичгээр бичсэн үйсэн номын 30 орчим хэсэг олдсон нь онцлох үр дүн болов. Чингис хаан Үндэсний музейн сэргээн засварлагчид урьдчилсан сэргээлт хийж уншихад шашны ном, зурхайгаас гадна Чингис хааны хөвгүүд, дүү нартаа сургасан билиг сургаалын хэсэг байжээ. Энэ нь «Лу.Алтан товч»-д тэмдэглэгдсэнтэй ижил байгааг судлаачид тогтоосон бөгөөд цаашид нарийвчлан судалж, он цагийг тогтоох ажлыг эхлүүлээд байна.
Малтлагаар төв танхим, таван бурхны суурь, горооны зам бүхий барилгаас бурхны хөрөг, уул, үүл, могой, ургамлын хээтэй ханын зургийн үлдэгдэл илэрсэн байна. Мөн шавар бурхны хэсгүүд, шаазан хундага, төмөр эдлэл, 21 ширхэг чулуун эрхи зэрэг олдворууд гарчээ. Нас тогтоох шинжилгээгээр тус сүм нь XVI зууны эцэс, XVII зууны эхэн үед хамаарч байгааг тогтоосон байна.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Соёл, спорт, аялал жуулчлал, залуучуудын яам
Нэмэлт материал нь бие даасан баталгаажуулалт гэсэн үг биш.
Шинэ
— Сурталчилгаа —
