Шатахууны нийлүүлэлт, хангамжийг сайжруулах шуурхай штаб хуралдаж, орон нутгийн хангамжийг нэмэгдүүлэх болон газар тариалангийн салбарт түлшний аюулгүйн нөөц бүрдүүлэх чиглэл өглөө. Нийслэлд шатахуун түгээх станцуудын дугаарлалт буурсан ч зарим аймагт ачаалал өндөр байна.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээЕрөнхий сайдын захирамжаар байгуулагдсан шатахууны нийлүүлэлт, хангамжийг сайжруулах шуурхай штабын ээлжит хурал боллоо. Хурлыг Аж үйлдвэр, эрдэс баялгийн сайд Г.Дамдинням удирдаж, холбогдох байгууллагуудаас мэдээлэл сонсон үүрэг, чиглэл өгөв. Тээврийн цагдаагийн албанаас нийслэлийн хэмжээнд шатахуун түгээх станцуудын дугаарлалт мэдэгдэхүйц багассаныг мэдээллээ.
Товчхон
Харин орон нутагт, тухайлбал Дундговь, Өвөрхангай, Өмнөговь, Хэнтий, Орхон, Дархан-Уул аймгуудад хангамж хангалтгүйгээс дараалал ихсэж байгааг онцлов. Дундговь аймагт шатахуун түгээх станцын хүлээгдэл 400-450 машинд хүрсэн тул шуурхай штабаас хөдөө орон нутгийн хангамжийг нэмэгдүүлэхэд онцгойлон анхаарах үүргийг аж ахуйн нэгжүүдэд өгсөн байна.
Түүнчлэн намрын тариа хураалт дөхөж буйтай холбогдуулан газар тариалангийн бүс нутгууд, аж ахуйн нэгжүүд болон ХХААХҮЯ, Онцгой байдлын байгууллагуудад дизель түлшний хангамж сайн байгаа энэ үед аюулгүйн нөөцөө бүрдүүлэхийг санууллаа.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Аж үйлдвэр, эрдэс баялгийн яам
— Сурталчилгаа —