Монголын Залуу Эрдэмтдийн Холбооноос зохион байгуулсан “Хүрэлтогоот-2026” эрдэм шинжилгээний хурлаас Мал эмнэлгийн эрдэм шинжилгээний хүрээлэнгийн залуу судлаачид тусгай байр эзэлж, судалгааны грант гардлаа. Тэд хачиг болон шимэгч хорхойн халдварын чиглэлээр хийсэн бүтээлээрээ шалгарчээ.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээМонголын Залуу Эрдэмтдийн Холбооноос зохион байгуулсан “Хүрэлтогоот-2026” эрдэм шинжилгээний хурлын Биологи, хөдөө аж ахуйн салбар хуралдаанд Мал эмнэлгийн эрдэм шинжилгээний хүрээлэнгийн судлаачид амжилттай оролцлоо. Тус хүрээлэнгийн Молекул генетикийн лабораторийн судлаачид удирдагч багш нарын хамт бэлтгэсэн бүтээлээрээ шалгарсан байна.
Товчхон
Тухайлбал, тус лабораторийн эрдэм шинжилгээний дэд ажилтан Б.Давхарбаяр доктор, профессор Б.Баттөрийн удирдлага дор “Дорнод Монголд шинээр бүртгэсэн иксод хачгууд: эзэн амьтны хүрээ, улирлын идэвхжил, хачигт илэрсэн халдварын үүсгэгчид” илтгэлээр тусгай байр эзэлж, ШУА-ийн ерөнхийлөгчийн нэрэмжит таван сая төгрөгийн грант хүртэхээр болсон байна.
Мөн эрдэм шинжилгээний дэд ажилтан М.Золжаргал доктор, дэд профессор П.Мягмарсүрэнтэй хамтран “Монгол орны муур, нохойд Toxoplasma gondii-ийн халдварыг молекул биологийн аргаар илрүүлсэн дүн” илтгэлээрээ тусгай байр эзэлж, доктор Я.Гэрэлчулууны нэрэмжит 2.5 сая төгрөгийн грантын эзэн боллоо.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Мал эмнэлгийн эрдэм шинжилгээний хүрээлэн
Үргэлжлүүлэн унших
© 2026 Tuuchee.mn. Бүх эрх хуулиар хамгаалагдсан.
Хөгжүүлсэн: Sain Web
— Сурталчилгаа —
