Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээАлтанбулаг чөлөөт бүсээр хуурамч архи оруулж ирдэг гэх цахим орчинд тархсан мэдээлэл нь үндэслэлгүй болохыг тус чөлөөт бүсийн захирагчийн ажлын албанаас мэдэгдлээ. Бүсэд нэвтрүүлж буй согтууруулах ундаанд гааль болон татварын байгууллага хуулийн дагуу хяналт тавьдаг байна.
“Шуранхай.МН” фэйсбүүк хуудсаар “Алтанбулаг чөлөөт бүсээр хуурамч архи оруулж ирдэг” гэх агуулгатай мэдээ, дүрс бичлэг цацагдсантай холбогдуулан Алтанбулаг чөлөөт бүсийн захирагчийн ажлын албанаас албан ёсны мэдэгдэл гаргалаа. Тус байгууллагаас уг мэдээллийг бодит байдлыг гуйвуулсан, үндэслэлгүй бөгөөд илт худал мэдээлэл болохыг мэдэгдсэн юм.
Товчхон
Алтанбулаг чөлөөт бүсэд худалдаалж буй согтууруулах ундааг чөлөөт бүсэд нэвтрүүлэхэд Монгол Улсын Гаалийн байгууллага холбогдох хууль тогтоомжийн дагуу хяналт тавьдаг аж. Ингэхдээ бүтээгдэхүүний үйлдвэрлэл, гарал үүсэл, чанарын баталгаанд хяналт тавьж, шаардлагатай тохиолдолд дээж авч баталгаат лабораторид шинжилгээ хийсний үндсэн дээр зөвшөөрөл олгодог байна.
Түүнчлэн Татварын ерөнхий газар архи, согтууруулах ундаанд татварын тэмдэг наан хяналт тавьж ажилладаг тул худал мэдээлэлд итгэхгүй, цааш түгээхгүй байхыг иргэд, олон нийтэд уриаллаа.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Алтанбулаг чөлөөт бүс
Шинэ
— Сурталчилгаа —
