Хөдөлмөр эрхлэлтийг дэмжих сангийн эх үүсвэрээр Сүхбаатар аймагт 51 иргэнд 1.4 тэрбум төгрөгийн жижиг зээл олгосноор 66 шинэ ажлын байр бий болжээ. Уг зээлийг улсын хэмжээнд жилийн 7 хувийн хүүтэйгээр арилжааны банкуудаар дамжуулан олгож байна.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээХөдөлмөр эрхлэлтийг дэмжих сангаас улсын хэмжээнд нийт 40 тэрбум төгрөгийн жижиг зээлийг жилийн 7 хувийн хүүтэйгээр ХААН болон Төрийн банкаар дамжуулан олгохоор шийдвэрлэсэн. Сүхбаатар аймгийн хувьд иргэд, аж ахуйн нэгжээс ирүүлсэн 92 төслөөс сонгон шалгаруулах ажлын хэсэг 76-г нь дэмжиж, 16 төслийг буцаасан байна. Мөн зээл олгох банкуудтай хамтран 77 иргэнд төсөл боловсруулах аргачлал, шалгуурын талаар зөвлөгөө өгчээ.
Товчхон
Дэмжигдсэн төслүүдээс ХААН банкаар дамжуулан 32 иргэнд 968.7 сая төгрөг, Төрийн банкаар 19 иргэнд 438.9 сая төгрөг буюу нийт 51 иргэнд 1,407.6 сая төгрөгийн санхүүжилт олгосон байна. Үүний үр дүнд хувиараа хөдөлмөр эрхлэгч, малчин, бичил үйлдвэрлэл эрхлэгчид зээлд хамрагдаж, 66 шинэ ажлын байр бий болжээ.
Үндсэн санхүүжилтийн эх үүсвэр дууссан ч батлагдсан үлдсэн төслүүдийг санхүүжүүлэхээр зээлийн эргэн төлөлтөөс дахин олголт хийлгэхээр ажиллаж байна. Одоогоор ХААН банк эргэн төлөлтөөс 100 сая төгрөгийн санхүүжилт шийдвэрлэж, хамрагдах иргэдийн жагсаалтыг хүлээн аваад байна.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Сүхбаатар аймгийн хөдөлмөр халамжийн үйлчилгээний газар
Шинэ
— Сурталчилгаа —
