Аж үйлдвэр, эрдэс баялгийн сайд Г.Дамдинням ХБНГУ-аас Монгол Улсад суугаа Элчин сайд Томас Графийг хүлээн авч уулзлаа. Талууд чухал ашигт малтмал боловсруулах, сэргээгдэх эрчим хүч болон боловсролын салбарт хамтран ажиллах асуудлыг хэлэлцсэн байна.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээАж үйлдвэр, эрдэс баялгийн сайд Г.Дамдинням ХБНГУ-аас Монгол Улсад суугаа Элчин сайд Томас Графыг хүлээн авч уулзан хоёр орны эдийн засаг, уул уурхай, аж үйлдвэр, технологи, боловсролын салбарын хамтын ажиллагааг өргөжүүлэх талаар санал солилцов. Уулзалтаар Засгийн газар хоорондын 2011 оны хэлэлцээрийн хэрэгжилтийг эрчимжүүлж, шинэ төсөл хөтөлбөрүүдийг тодорхойлохоор ярилцлаа.
Товчхон
Энэ хүрээнд шатахууны эх үүсвэрийг төрөлжүүлэх, нүүрснээс шингэн түлш боловсруулах технологийн судалгаа хийх, уурхайн хаалт болон нөхөн сэргээлтэд Германы дэвшилтэт туршлагыг нэвтрүүлэх боломжийг онцлов. Мөн чухал ашигт малтмал, газрын ховор элемент болон түүхий эдийг боловсруулах, нэмүү өртөг шингэсэн үйлдвэрлэл хөгжүүлэхэд Германы технологи, хувийн хэвшлийн оролцоог нэмэгдүүлэх, сэргээгдэх эрчим хүчний салбарт хамтрах сонирхлоо германы тал илэрхийллээ.
Түүнчлэн Монгол-Германы хамтарсан Ашигт малтмал, технологийн их сургуулийн үйл ажиллагааг өргөжүүлэх, уул уурхай, сэргээгдэх эрчим хүчний мэргэжилтэн бэлтгэх, монгол оюутнуудыг Германд тэтгэлэгт хамруулах, дадлагажуулах хөтөлбөр хэрэгжүүлэх чиглэлээр хамтран ажиллахаар тохиролцсон байна.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Аж үйлдвэр, эрдэс баялгийн яам
Үргэлжлүүлэн унших
© 2026 Tuuchee.mn. Бүх эрх хуулиар хамгаалагдсан.
Хөгжүүлсэн: Sain Web
— Сурталчилгаа —
